डोटी, ८ जेठ । एक थान अवैध एकनाले भरुवा बन्दुक सहित ५३ वर्षीय पुरुष पक्राउ परेका छन् । के आई सिंह गाउँपालिका–१ ध्याडी बस्ने ५३ वर्षीय शंकर रावतलाई १ थान अवैध एकनाले भरुवा बन्दुक सहित बिहीबार साँझ प्रहरीले पक्राउ गरेको हो ।
शंकरको घरमा भरुवा बन्दुक लुकाई राखेको विशेष सूचनाको आधारमा प्रहरी चौकी वायलबाट खटिएको प्रहरीले उनको घर तलासी गर्दा उक्त बन्दुक सहित उनलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
