डोटी, ९ जेठ: प्रमुख व्यापारिक केन्द्र दिपायल पिपल्ला बजारमा कोभिड सहायता केन्द्रको स्थापना गरिएको छ । कोरोना रोकथाम तथा नियन्त्रण तथा र सङ्क्रमित सहित अन्य नागरिकका समस्या समाधान गर्न सो सहायता केन्द्र सञ्चालनमा ल्याइएको हो ।
त्यहाँका नागरिक समाज, राजनैतिक दल तथा सञ्चारकर्मीको सहयोगमा उक्त सहायता कक्षका साथ ‘सबै नागरिकलाई बराबरी इज्जत र सम्मान, सबै हितकारी मनहरु जुटौँ, शुरु भयो कर्तव्य पथको अभियान’ शुरुआत गरिएको छ ।
समाजसेवी भक्तराज जोशीले कोरोना रोकथाम र नियन्त्रण सहायता कक्ष सञ्चालनमा ल्याइएको जानकारी दिए ।कांग्रेस नेता विजय खड्काले मास्क र स्यानिटाइजर वितरण, अलपत्र परेका व्यक्तिको उद्धार, बिरामीलाई अस्पतालसम्म पु¥याउन सहयोग,सङ्क्रमितको मनोबल बढाउन सहयोग जारी रहेको बताए ।-रासस/File Photo
