सिरहा, ९ जेठ । कटुवा पेस्तोल सहित तीन जनालाई प्रहरीले पक्राउ गरेको छ । लहान नगरपालिका–१ मटियर्वा लवटोली बस्ने २५ वर्षीय करण पूर्वे लगायत ३ जना १ थान कटुवा पेस्तोल र सोही पेस्तोलको १ थान गोली सहित शनिबार राति पक्राउ परेका हुन् ।
सोही नगरपालिका–१ कृष्णटोल बस्ने ईन्द्रदेव ठाकुरको घरबाट गत वैशाख २८ गते नगद ६ लाख रुपैयाँ, २ तोला सुन र करिब २० तोला चाँदी चोरी गरी फरार रहेको घटनामा समेत संलग्न रही फरार रहेका उनीहरुको खोजी गर्न ईलाका प्रहरी कार्यालय लहानबाट खटिएको प्रहरीले तीनै जनाको घर तलासी गर्दा पुर्वेको घरमा लुकाई राखेको उक्त हतियार सहित फेला पारी पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
