काठमाडौं, १० जेठ । नेपालमा आज ७४ सय २५ जनामा कोरोना संक्रमण पुष्टि भएको हो । आज संक्रमण पुष्टि भएका मध्ये २७ सय ८५ जना काठमाडौं उपत्यकामा मात्र थपिएको स्वास्थ्य मन्त्रालयले जनाएको छ ।
पछिल्लो २४ घण्टामा थपिने कोरोना संक्रमितको संख्या आइतबारको तुलनामा सामान्य अंकले कम हो । आजको संक्रमितको संख्या केही मात्रामा कम हुनुले मानिसहरुमा आशा बढेको छ ।
आज थपिएका संक्रमित मध्ये काठमाडौैंमा १८ सय ६, ललितपुरमा ६८१ र भक्तपुरमा २९८ जना रहेका छन् । मन्त्रालयको अनुसार आज देशभर १६ सय ९७ जनाको आईसीयू र ४६७ जना संक्रमितको भेन्टिलेटरमा उपचार भैरहेको छ ।
