स्याङ्जा, ११ जेठ । १ सय ९२ लिटर न्यून गुणस्तरको स्यानिटाइजर प्रहरीले बरामद गरेको छ । पुतलीबजार नगरपालिका–१ प्रगतिनगर घुम्ती र चन्द्रनगर घुम्तीस्थित दुई ठाउँमा लुकाई राखेको १ सय ९२ लिटर न्यून गुणस्तरको स्यानिटाइजर सोमबार दिउँसो प्रहरीले बरामद गरेको हो ।
उक्त ठाउँमा न्यून गुणस्तरको सेनिटाईजर लुकाई राखि विक्री गर्ने गरेको भन्ने सूचनाको आधारमा जिल्ला प्रहरी कार्यालय स्याङ्जाबाट खटिएको प्रहरीले सोही नगरपालिका-१ प्रगतिनगर घुम्तीस्थित पुतलीबजार नगरपालिका-१ कालाखोला बस्ने ४७ वर्षीय देवेन्द्र पौडेलको कोठाबाट उत्सव डिटर्जेट एण्ड कस्मेटिक उद्योगबाट उत्पादित ९० लिटर तथा ग्लोबल हेल्थ केयर भारत लेखिएको ९० लिटर र पुतलीबजार नगरपालिका–१ चन्द्रनगर घुम्तीस्थित दिलिप श्रेष्ठको रोल बराह सप्लायर्सबाट १२ लिटर गरी जम्मा १ सय ९२ लिटर स्यानिटाइजर बरामद गरेको जनाएको छ ।
यस सम्बन्धमा थप अनुसन्धान भईरहेको जिल्ला प्रहरी कार्यालय स्याङ्जाले बताएको छ ।
