कैलाली, १२ जेठ । मोटरसाइकल चोरी गरेको अभियोगमा दुई जना पक्राउ परेका छन् । सुदूरपश्चिम प्रदेश सामाजिक विकास मन्त्रालयको सु.प.प्र.०१–००१ ब १७२८ नम्बरको मोटरसाइकल चोरी गरेको अभियोगमा २ जनालाई प्रहरीले पक्राउ गरेको हो ।
पक्राउ पर्नेहरुमा दाङ तुल्सीपुर उपमहानगरपालिका–९ बस्ने २६ वर्षीय विश्व रोकामगर र कैलाली धनगढी उपमहानगरपालिका–१ डेरा गरी बस्ने दाङ तुल्सीपुर उपमहानगरपालिका-५ घर भएका १६ वर्षीय किशोर रहेका छन् ।
सोही मन्त्रालयको आवास गृहमा पार्किङ गरी राखेको अवस्थामा उक्त मोटरसाइकल चोरी भएको भन्ने खबर प्राप्त हुनासाथ खटिएको प्रहरीले मगरलाई चोरी भएको उक्त मोटरसाइकल सहित बर्दियाबाट पक्राउ गरी थप अनुसन्धानको क्रममा किशोरको समेत संलग्नता रहेको खुलेपश्चात ती किशोरलाई उनकै डेराबाट पक्राउ गरेको जनाएको छ ।
साथै उनीहरुले जेठ ४ गते राति घर अगाडि पार्किङ गरी राखेको दाङ लमही नगरपालिका(५ बस्ने बिजय केसीको भे।१ त १५२६ नम्बरको बलेरो समेत चोरी गरी धनगढी उपमहानगरपालिका-८ स्थित सडकमा पार्किङ गरी राखेको खुलेपश्चात सोमबार प्रहरीले उक्त बलेरो समेत बरामद गरेको छ ।
थप अनुसन्धानको क्रममा अभियुक्तमध्येका १६ वर्षीय किशोरले २०७६ वैशाख २ गते काठमाडौं महानगरपालिका-४ चप्पलकारखाना बस्ने रमन रेग्मीको बा.७१ प ७६३८ नम्बरको मोटरसाइकल, २०७६ साउन ४ गते दाङ तुल्सीपुर उपमहानगरपालिका-५ बसपार्कस्थित जिबेश नाथ योगीको रा।३ प ९३४९ नम्बरको मोटरसाइकल र २०७६ भदौ १० गते दाङ घोराही उपमहानगरपालिका नारायणपुर बस्ने राम बहादुर खत्रीको लु.१ च २६०३ नम्बरको कार चोरी घटनामा पक्राउ परी अनुसन्धान पूरा भएको थियो ।
साथै २०७७ जेठ ३ गते कैलाली धनगढी उपमहानगरपालिका-४ उत्तरबेहडीस्थित राजेन्द्र बहादुर मल्लको बा.८ च २१०० नम्बरको कार र २०७७ जेठ ७ गते धनगढी उपमहानगरपालिका.४ उत्तरबेहडीस्थित डा।रविन्द्र भट्टको बा.१४ च ४७८१ नम्बरको कार चोरी घटनामा समेत ती किशोर पक्राउ परी दुवै मुद्दामा जिल्ला अदालत कैलालीबाट १ महिना १५ दिन कैद र ५ हजार रुपैयाँ जरिवाना भई बाल सुधार गृह डोटीमा सजाय भुक्तान गरी छुटेको खुल्न आएको प्रहरीले बताएको छ । यस सम्बन्धमा थप अनुसन्धान भइरहेको जिल्ला प्रहरी कार्यालय कैलालीले जनाएको छ ।
