काठमाडौं, १२ जेठ । कोरोना संक्रमणबाट आज थप १४५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ६ हजार ८ सय ४५ पुगेको स्वास्थ्य मन्त्रालयले जनाएको छ ।
मन्त्रालयको अनुसार आज १९ हजार ३० जनाको पीसीआर परिक्षणबाट ६ हजार ६७७ र एन्टिजेन विधिबाट ३७ जनामा संक्रमण पुष्टि भएको हो । आज कोरोना भाइरसका नयाँ ६ हजार ७ सय १४ जना संक्रमित थपिएका हुन्। योसंगै कुल संक्रमितको संख्या ५ लाख ३५ हजार ५ सय ६२ पुगेको मन्त्रालयले जनाएको छ ।
