काठमाडौँ, १३ जेठ: नर्भिक इन्टरनेशनले हस्पिटलले कोभिड–१९ सङ्क्रमण निको भइसकेपछि पनि स्वास्थ्यमा आउनसक्ने जोखिमलाई सम्बोधन गर्न ‘पोस्ट कोभिड–१९ क्लिनिक’ शुरुआत गरेको छ । विशेषज्ञ सहितको क्लिनिक सञ्चालनमा ल्याएको अस्पतालका कर्पोरेट कम्युनिकेशन प्रमुख सोमनाथ बाँस्तोलाले जानकारी दिए । अस्पतालका कार्डियोलोजिष्ट डा जेपी जैसवालका अनुसार नेपालमा समेत सङ्क्रमण निको भएपछि विभिन्न स्वास्थ्य समस्या देखिएको गरेको छ ।
उनले सङक्रमण तत्काल ठीक भएपनि लामो समयसम्म धेरैलाई सामान्य शारीरिक समस्या, थकाइ लाग्ने, छाति दुख्ने, निद्रा नलाग्ने, मनोरोग हुने, उच्चरक्तचाप, हिड्दा स्वाँ स्वाँ , श्वासप्रश्वासमा समस्या हुने जस्ता समस्याहरु देखिने जानकारी दिए । सिनियर फिजिसियन उनले सङ्क्रमणपछि देखिने यस्ता समस्याको उपचार गर्नका लागि पोस्ट कोभिड क्लिनिकमा सञ्चालन गरिएको जानकारी दिए ।-रासस/File photo
