काठमाडौं, १९ जेठ । नेपालमा आज ७ हजार २ सय २१ जना कोरोना संक्रमणमुक्त भएका छन् । योसँगै हालसम्म संक्रमणमुक्त हुनेको संख्या ४ लाख ६१ हजार ५ सय ६३ पुगेको छ ।
आज देशभर ५ हजार ३ सय १६ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै १४ सय ५६ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा ९६९, ललितपुरमा ३०६ र भक्तपुरमा १८१ संक्रमित थपिएका हुन् । आज नेपालमा ५ हजार ३ सय १६ जना कोरोना संक्रमित थपिएका छन् । योसँगै कुल संक्रमितको संख्या ५ लाख ७१ हजार ९ सय ३ पुगेको छ ।
पिसीआर विधिबाट ४५ सय २४ र एन्टिजेन परिक्षणबाट ७९२ जनालाई संक्रमण पुष्टि भएको छ । संक्रमणबाट आज थप १०१ जनाको मृत्यु भएको छ ।
