काठमाडौं, २० जेठ । नेकपा एमालेका माधव नेपाल पक्षधर १७ जनवर्गीय संगठनका प्रतिनिधिले पार्टी बिसर्जन गरी नयाँ खोल्ने चेतावनी दिएका छन् । उनीहरुले आज प्रेस विज्ञप्ति जारी गरी २ जेठ २०७५ को अवस्थामा पार्टीको संरचना र संगठनलाई नल्याए पार्टी बिसर्जनको बाटोमा जाने चेतावनी दिएका हुन् ।
अखिल नेपाल किसान महासंघ, अखिल नेपाल महिला संघ, युवा संघ, प्रेस चौतारीलगायत १७ जनवर्गीय संगठनका प्रतिनिधिद्वारा हस्ताक्षरित विज्ञप्तिमा भनिएको छ,‘पार्टी, जनसंगठन र पेशागत संगठनका सबै संरचनाहरुलाई २०७५ जेठ २ गतेको स्थितिबाट केन्द्रदेखि स्थानीयतहसम्म क्रियाशील बनाइयोस् । यदि त्यसो नगरिए पार्टी बिसर्जनको बाटोमा जान सक्छ ।’
पार्टी र आन्दोलनको रक्षाका निम्ति पार्टीलाई नयाँ शिराबाट एकतावद्ध गरेर क्रान्तिको नयाँ झन्डा उठाउनुपर्ने समेत उल्लेख छ ।
जनसंगठन र प्रतिनिधिहरु
१. अखिल नेपाल किसान महासंघ – बलराम बाँस्कोटा
२. अखिल नेपाल महिला संघ – जयन्ती राई
३. अखिल नेपाल राष्ट्रिय स्वतन्त्र विद्यार्थी युनियन – सुदेश पराजुली
४. नेपाल उत्पीडित जातीय मुक्ति समाज – गणेश बि.क
५. युवा संघ, नेपाल – नरेशकुमार शाही
६. नेपाल खेलकुद महासंघ – पुरुषोत्तम पौडेल
७. नेपाल मुस्लिम इत्तेहाद संगठन – ताज मोहम्मद मिया
८. नेपाल टे«ड युनियन महासंघ (जिफन्ट) – बिष्णु लम्साल, दिपक पौडेल
९. नेपाल भूमिहीन सुकुम्वासी संगठन – रामपृत पासवान
१०. नेपाल राष्ट्रिय उद्योग व्यावसाय महासंघ – लक्ष्मीदास मानन्धर
११. नेपाल लोकतान्त्रिक आदिवासी जनजाति महासंघ – परशुमेघी गुरुङ
१२. पेसागत महासंघ, नेपाल – विश्वनाथ प्याकुरेल
१३. नेपाल राष्ट्रिय भूतपूर्व सैनिक तथा प्रहरी संगठन – मिठाराम के.सी
१४. प्रेस चौतारी नेपाल – विश्वमणी सुवेदी
१५. राष्ट्रिय जनसांस्कृतिक महासंघ – कृपाराम धमला
१६. मानव अधिकार एलायन्स – उषा पोखरेल
१७. लोकतान्त्रिक मधेसी संगठन – रामचन्द्र शाह
