बाँके, २१ जेठ । लागुऔषध ब्राउनसुगरसहित एकजना पक्राउ परेका छन् । नरैनापुर गाउँपालिका–३ बालापुरबाट करिब ५० ग्राम अवैध लागूऔषध ब्राउनसुगर जस्तो देखिने पदार्थ सहित राप्ती सोनारी गाउँपालिका–४ भवानीपुर बस्ने ४० वर्षीय बीर बहादुर केसीलाई बुधबार राति प्रहरीले पक्राउ गरेको छ ।
ईलाका प्रहरी कार्यालय भगवानपुरबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ ।
