काठमाडौं, जेठ २४ । हाल देशमा स्थानीय वायुका साथै पश्चिमी र पूर्वी वायुको सामान्य प्रभाव रहेकाले देशका केहि पहाडी भू-भागहरुमा आंशिक बदली रहेको छ ।
जल तथा मौसम पूर्वानुमान महाशाखाका अनुसार आज देशका पहाडी भू-भागहरुमा आंशिकदेखि सामान्य बदली कायमै रहने र अन्य स्थानहरुमा मौसम सामान्यतया सफा रहने जनाईएको छ ।
आज दिउँसो प्रदेश १, २ लगायत अन्य प्रदेशका पहाडी भू-भागहरुमा आंशिक देखी सामान्य बदली रही अन्य स्थानहरूमा आंशिक बदली रहनेछ ।
आज देशका पहाडी भू-भागका थोरै स्थानहरुमा मेघगर्जन र चट्याङ्ग सहित हल्का वर्षाको सम्भावना रहेको समेत महाशाखाले उल्लेख गरेको छ। त्यस्तै, रातीसम्म प्रदेश १, २, बागमती प्रदेश, गण्डकीका थोरै स्थानहरुमा मेघगर्जन र चट्याङ्ग सहित हल्का वर्षा को सम्भावना रहेको जनाईएको छ ।
