पर्सा, २६ जेठ । चोरीमा संलग्न एक जना पक्राउ परेका छन् । वीरगंज महानगरपालिका–११ श्रीपुर बस्ने प्रकाश रौनियारको घरबाट ल्यापटप तथा मोबाइल लगायतका धनमाल चोरी भएको घटनामा संलग्न रहेको अभियोगमा जगरनाथपुर गाउँपालिका–६ बस्ने १९ वर्षीय मुन्ना कुमार रामलाई सोमबार प्रहरीले पक्राउ गरेको हो ।
प्रकाशको घरमा गत बैशाख ७ गते चोरी भएको घटनाको अनुसन्धान गर्ने क्रममा मुन्ना कुमारले घरमा कोही नभएको मौका छोपी चोरी गरेको खुल्न आएपछि उनलाई प्रहरीले पक्राउ गरेको जनाएको छ । साथै उनको घरबाट चोरी भएको १ थान ल्यापटप र १ थान मोबाइल समेत प्रहरीले बरामद गरेको छ । उनीमाथि चोरी मुद्दामा पर्सा जिल्ला अदालतबाट ५ दिन म्याद थप गरी थप अनुसन्धान भइरहेको जिल्ला प्रहरी कार्यालय पर्साले जनाएको छ ।
