काठमाडौं, २६ जेठ । अवैध लागूऔषध सहित २ जना पक्राउ परेका छन् । हनुमाननगर कंकालिनी नगरपालिका–१ स्थित सडकबाट करिब १२ ग्राम अवैध लागूऔषध ब्राउनसुगर जस्तो देखिने पदार्थ सहित २ जनालाई मंगलबार राति प्रहरीले पक्राउ गरेको हो ।
पक्राउ पर्नेहरूमा राजबिराज नगरपालिका–७ बस्ने २४ वर्षीय कृष्ण कुमार साह र सोही नगरपालिका–१६ बस्ने २५ वर्षीय पंकज यादव रहेका छन् । स.१० प ५१०२ नम्बरको मोटरसाइकललाई ईलाका प्रहरी कार्यालय भारदहबाट खटिएको प्रहरीले जाँच गर्नेक्रममा मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको जनाएको छ ।
