काठमाडौं, २६ जेठ । आज नेपालमा ४३ सय ४४ जना कोरोना संक्रमित थपिएका छन् । पछिल्लो २४ घन्टामा थपिएका संक्रमित मध्ये काठमाडौं उपत्यकाका मात्र ९१५ जना रहेको स्वास्थ्य मन्त्रालयले जनाएको छ । काठमाडौं जिल्लाका ६७९, भक्तपुर जिल्लाका ८५ र ललितपुर जिल्लाका १५१ जना नयाँ संक्रमित थपिएका हुन् ।
देशभर आज ५ हजार ७ सय ६८ जना कोरोना सक्रमित संक्रमणमुक्त भएका छन् । योसँगै नेपालमा हालसम्म ५ लाख १० हजार २९८ जना संक्रमणमुक्त भएको स्वास्थ्य मन्त्रालयले जनाएको छ । कोरोना संक्रमणबाट आज थप ८१ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ८ हजार १७९ पुगेको छ ।
मन्त्रालयको अनुसार आज १२ हजार ७४ जनाको पिसीआर परिक्षणमा ३ हजार ४ सय ४९ र ४५ सय ६४ जनाको एन्टिजेन परिक्षण गर्दा ८९५ जनालाई संक्रमण पुष्टि भएको हो ।
