बुटबल, २ असार । राप्ती नदी किनारमा भैंसी चराउन गएका ४ जनालाई सकुशल उद्वार गरेको प्रहरीले जनाएको छ । राप्ती नदीमा आएको बाढीका कारण अलपत्र परेका भैंसी चराउन गएका ४ जनालाई नेपाली सेना, सशस्त्र प्रहरी, र नेपाल प्रहरीको संयुक्त टोलीले सकुशल उद्वार गरेको हो ।
लमही नगरपालिनका–७ हस्नापुरका मन्साराम चौधरी, सावित्रा, राधे यादव, गणेश यादवलाई सकुलशल उद्वार गरेको प्रहरीले जनाएको छ ।
भैसी चराउने क्रममा राप्ती नदीमा एक्कासी बहाव बढेपछि घर फर्कन नसकेका ४ जना रातभरी टापुमा बसेको प्रहरीको भनाई छ । उनीहरुका १७ भैसी भने टापुमा छाडिएको छ ।
