सुनसरी, ७ असार । मोटरसाइकल चोरी गरी लैजादै गरेको अवस्थामा १ जना पक्राउ परेका छन् । कोशी गाउँपालिका १ बस्ने विक्रम साहको आफ्नै घरमा राखेको बा.९० प ७७९३ नम्बरको मोटरसाइकल चोरी गरी लैजादै गरेको अवस्थामा सोही ठाउँ बस्ने ओम प्रकाश यादवलाई सोही गाउँपालिका ८ भण्टाबारीबाट शनिबार प्रहरीले पक्राउ गरेको हो।
मोटरसाइकल चोरी भएको खबर प्राप्त हुनासाथ जिल्ला प्रहरी कार्यालय सुनसरीबाट खटिएको प्रहरीले यादवलाई पक्राउ गरेको हो । उनीमाथि जिल्ला अदालत सुनसरीबाट ७ दिन म्याद थप भई आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।
