काठमाडौं, ८ असार । अवैध लागूऔषध गाँजा सहित २ जना पक्राउ परेका छन् । काठमाडौं महानगरपालिका ६ कपन सानोधारा नजिकबाट करिब १ किलो अवैध लागूऔषध गाँजा सहित २ जना १८ वर्षीय किशोरलाई सोमबार बिहान प्रहरीले पक्राउ गरेको छ । उनीहरुमध्ये एक जना कपन सानोधारा बस्ने मोरङ उर्लाबारी घर भएका र एक जना काभ्रेपलाञ्चोक घर भएका छन् ।
लागूऔषध गाँजा सेवन तथा बिक्री गर्ने गरेको सूचनाको आधारमा महानगरीय प्रहरी प्रभाग कपनबाट खटिएको प्रहरीले उनीहरुलाई प्लाष्टिकमा पोका पारी राखिएको अवस्थामा उक्त गाँजा फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
