काठमाडौं, १० असार । अवैध लागूऔषध सहित एकजना पक्राउ परेका छन् । पोखरा महानगरपालिका १० बुद्धचोकबाट ८ केजी २ सय ग्राम अवैध लागूऔषध गाँजा सहित गोरखा आरुघाट गाउँपालिका ३ घर भएका २९ वर्षीय लेख बहादुर गुरुङलाई बुधबार साँझ प्रहरीले पक्राउ गरेको हो ।
गुरुङको गोरखा मनकामना नर्सरीमा लागूऔषधको किनबेच गरिरहेको खबर प्राप्त हुनासाथ वडा प्रहरी कार्यालय रामबजारबाट खटिएको प्रहरीले तलासी गर्नेक्रममा लुकाई राखेको अवस्थामा उक्त लागूऔषध फेला पारी उनलाई पक्राउ गरेको जनाएको छ ।
