काठमाडौं, १० असार । शेयर बजारमा आज ७ अर्ब ३ करोड ३६ लाख ३ हजार रुपैयाँको शेयर कारोबार भएको छ ।
आज पनि नेपाल पुनर्बीमा कम्पनीको कारोबार सर्वाधिक भएको छ । कम्पनीको आज ३७ करोड ७६ लाख बढीको शेयर कारोबार भएको छ भने प्रतिकित्ता १६ सय ६९ रुपैयाँ शेयरमुल्य कायम भएको छ ।
त्यस्तै, नेपाल इन्स्योरेन्सको प्रतिकित्ता ११ सय ८९ रुपैयाँ कायम भई ३५ करोड २२ लाख बढीको रुपैयाँको शेयर कारोबार भएको छ । यसैगरी, अपर तामाकोशीको २८ करोड ९२ लाख रुपैयाँको शेयर करोबार भएको छ ।
नेप्सेको अनुसार आज नेशनल हाइड्रोपावर कम्पनीको २२ करोड ८० लाख, हाइड्रोइलेक्टिसिटि एण्ड इन्भेष्टमेन्ट कम्पनीको १९ करोड ८५ लाख रुपैयाँको शेयर कारोबार भएको छ ।
