काठमाडौं, १८ असार । नेकपा एमालेको केन्द्रीय कमिटी बैठकमा अध्यक्ष केपी शर्मा ओलीले एकताको विकल्प नभएको बताएका छन् । उनले एकताका लागि आफूले सार्थक पहल गरिरहेको समेत बताए ।
‘पहिलो आवश्यकता एकता, दोस्रो आवश्यकता एकता र तेस्रो आवश्यकता एकता,’ ओलीको भनाई उदृत गर्दै केन्द्रीय सदस्य विष्णु रिजालले जानकारी दिए । ओलीले प्रमुख आवश्यकता नै एकता रहेकोमा जोड दिए ।
भियतनामका कम्युनिस्ट नेता हो चि मिन्हको भनाई उदृत गर्दै ओलीले एकतामा जोड दिएको रिजालले जानकारी दिए ।
वरिष्ठ नेता माधवकुमार नेपाल पक्षीय नेताहरु बैठकमा सहभागी नभएपछि ओलीले लचिलो तरिकाले प्रस्तुत हुँदै वार्ताको पहलबारे जानकारी दिएको बुझिएको छ ।
