काठमाडौं, असार २१। बिहीवारदेखि सार्वजनिक निष्कासनमा आएको मनकामना स्मार्ट लघुवित्त वित्तीय संस्था लिमिटेडको आईपीओ खरीद गर्ने असार २१ गते अन्तिम दिन रहेको छ ।
कम्पनीले सर्वसाधारणमा ३ लाख ६३ हजार ४९२ कित्ता शेयर सार्वजनिक निष्कासनमार्फत विक्री खुला गरेको हो । सिडिएस एण्ड क्लियरिङ लिमिटेडले दिएको जानकारी अनुसार आइतवार साझ पौने ६ बजेसम्म १७ लाख २५ हजार ६७८ जनाले २ करोड २७ लाख २६ हजार ८९० कित्ताको लागि आवेदन दिएका छन् । जुन मागभन्दा ६२ दशमलव ५२ गुणा बढी आवेदन हो ।
सर्वसाधारणमा विक्री गर्न लागेको कुल ३ करोड ८९ लाख बराबरको ३ लाख ८९ हजार कित्ता आईपीओमध्य कम्पनीले शून्य दशमलव ५ प्रतिशत दरको ६ हजार ५८ कित्ता कम्पनीका कर्मचारीहरुका लागि र ५ प्रतिशत दरको १९ हजार ४५० कित्ता सामुहिक लगानीकोषको लागि सुरक्षित गरी बाँकी ३ लाख ६३ हजार ४९२ कित्ता शेयर सार्वजनिक निष्कासनमा ल्याएको हो ।
मागभन्दा बढी आवेदन परिसकेकाले कम्पनीले आईपीओ छिटो अवधिभित्र मात्र विक्री गर्न लागेको हो । असार २१ गतेसम्म माग बमोजिम आवेदन नपरेको खण्डमा भने ढिलोमा असार ३१ गतेसम्म आईपीओ विक्री गर्ने मिति तय गरिएको थियो ।
यो आईपीओ खरीदका लागि न्यूनतम १० कित्तादेखि अधिकतम १ हजार कित्तासम्म आज ९सोमवार० बैंकिङ समयसम्म आवेदन दिन सकिनेछ । कम्पनीको आईपीओलाई इक्रा नेपाल लिमिटेडले समयमै वित्तीय दायित्व पूरा गर्न सक्ने सम्बन्धमा मध्यम जोखिमको संकेत गर्ने इक्रा एनपी आईआर डबल बि माइनस रेटिङ प्रदान गरेको छ । आर्थिक अभियान दैनिकबाट
