काठमाडौं, २१ असार। पछिल्लो २४ घन्टामा नेपालमा कोरोना संक्रमणबाट थप २३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार २ सय ४८ पुगेको स्वास्थ्य मन्त्रालयले जनाएको छ ।
आज कोरोना भाइरसका २ हजार ६ सय २२ जना संक्रमित थपिएका छन् । योसंगै कुल संक्रमितको संख्या ६ लाख ४६ हजार ३ सय ६७ पुगेको छ ।
आज २ हजार २ सय ११ जना संक्रमणमुक्त भएका छन् । हालसम्म ६ लाख ११ हजार ४ सय २९ जना संक्रमणमुक्त भएका छन् । मन्त्रालयको अनुसार आज ११ हजार ५ सय २७ परीक्षणबाट १७ सय ४५ पिसीआर विधीबाट र ८ सय ७७ जना एन्टिजेन विधिबाट २६ सय २२ जनामा संक्रमण पुष्टि भएको हो ।
