काठमाडौं, २४ असार । तास खेलिरहेको अवस्थामा ११ जनालाई प्रहरीले पक्राउ गरेको छ । काठमाडौं महानगरपालिका २६ ठमेल जेपी मोडस्थित होटलमा तास खलिरहेको अवस्थामा होटल संचालक चिनियाँ नागरिक राहदानी नम्बर ई ९९८३३१२३ बहाक HE.XIAOLOMG समेत ५ जनालाई बुधबार राति प्रहरीले पक्राउ गरेको हो ।
उक्त होटलमा हारजित हुने गरी जुवातास सट्टाबाजी खेली खेलाई रहेको बिशेष सूचना प्राप्त हुनासाथ महानगरीय प्रहरी वृत्त लैनचौरबाट खटीएको प्रहरीले उनीहरूलाई नगद १ लाख २३ हजार रूपैयाँ तथा जुवातास खेल्न प्रयोग गरेको विद्युतिय १ थान टेबल, २ सय १० थान प्लाष्टिकको गोटी, १ सय ६० पत्ता तास, २ डिब्बा चिनियाँ लामो तास र खुल्ला अवस्थामा रहेको ७० पत्ता चिनियाँ लामो तास सहित पक्राउ गरेको हो ।
त्यस्तै, सुर्यबिनायक नगरपालिका ७ ध्याम्पे डाँडा बस्ने सन्जीब वाग्लेको घ्याम्पे आईएनएन होटलमा तास खेलिरहेको अवस्थामा वाग्ले लगायत ६ जनालाई बुधबार राति प्रहरीले पक्राउ गरेको छ । उक्त होटलमा जुवातास खेलिरहेको विशेष सूचनाको आधारमा महानगरीय प्रहरी वृत्त जगातीबाट खटीएको प्रहरीले उनीहरुलाई नगद ५८ हजार २ सय रूपैयाँ र १ बुक तास सहित पक्राउ गरेको बताएको हो ।
