काठमाडौं, २७ असार । नेकपा (एमाले) को स्थायी कमिटी बैठक अझै सुरु भएको छैन् । अध्यक्ष केपी शर्मा ओलीले आज ४ बजेको लागि बोलाएको बैठक ६ बजिसक्दापनि सुरु भएको छैन् । प्रधानमन्त्रीको सरकारी निवास बालुवाटारमा सुरु हुने बैठकमा अध्यक्ष ओलीले कार्यदलमा रहेका सदस्यहरुलाई कुरेको बताईएको छ ।
कार्यदलको बैठक भने विहान ९ बजेदेखि सिंहदरबारमा जारी छ । अहिले कार्यदलका सदस्य घनश्याम भुषाल भने कार्यदलमा भएको सहमतिको प्रगतिबारे ब्रिफिङ गर्न नेपाल निवास कोटेश्वर गएका छन् । नेताहरुले आज सहमति हुने दाबी गरेका छन् । हिजो बसेको बैठकपछि नेताहरुले आज विहान सुखद् समाचार दिने दाबी गरेका थिए ।
तर, अहिले साँझ पर्न लागिसक्दापनि सहमतिको कुनै छनक देखिएको छैन् । कार्यदलले सहमति गर्न नसकिरहेको बेला अध्यक्ष ओलीले पार्टीको स्थायी कमिटीको एकतर्फी बैठक बोलाएका छन् । उक्त बैठकबारे माधव नेपाल पक्ष बेखबर छ । र, नेताहरुले उक्त बैठकमा नजाने प्रतिक्रिया दिईसकेका छन् । file photo
