काठमाडौं, ३१ असार । कोरोना संक्रमणबाट आज थप ३३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ४ सय ६३ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार ६ सय ७६ जना संक्रमित थपिएसंगै कुल संक्रमितको संख्या ६ लाख ६२ हजार ५ सय ७० पुगेको छ ।
आज १ हजार ७ सय ५७ जना संक्रमणमुक्त भएका छन् । हालसम्म नेपालमा ६ लाख २६ हजार ४ सय ६८ जना संक्रमणमुक्त भएका छन्् । मन्त्रालयको अनुसार आज १२ हजार ७ सय ६८ जनाको परीक्षणमा पिसीआर विधिबाट १७ सय ८२ र एन्टिजेन विधिबाट ८ सय ९४ जनामा संक्रमण पुष्टि भएको हो ।
