काठमाडौं, १ साउन । सपोर्ट लघुवित्त वित्तीय संस्थाको एकै दिन ६ वटा स्थानमा शाखा कार्यालय संचालनमा आएका छन् । संस्थाले एकै दिन प्रदेश नं १ को मोरङ्ग जिल्लाको विभिन्न गाउपालिकाहरुमा ६ वटा शाखा कार्यालयको शुभारम्भ गरेको हो ।
नयाँ शाखा संचालन हुनेमा मोरङ्गको महेशपुर, भौडाहा, लखन्तरी, मोतिपुर, हात्तिमुडा र लक्ष्मीनियामा शाखा कार्यालय रहेका छन् ।
कम्पनीको अनुसार भर्खरै मात्र १० जिल्ला कार्यक्षेत्रमध्ये बागमति प्रदेशका शाखा कार्यालयहरु विक्री हस्तान्तरण गरी प्रदेश नं १ कार्यक्षेत्र बनाएको यस सपोर्ट लघुवित्त वित्तीय संस्थाले प्रदेश भरी आफ्नो उपस्थिति जनाई प्रदेश स्तरमा सबल र सक्षम रहि वित्तीय पहुच पु–याउने लक्ष्यका साथ अगाडी बढेको छ ।
आगामी दिनहरुमा प्रदेश नं १ का बाँकी जिल्लाहरुमा शाखा विस्तार गर्ने योजना बनाएको संस्थाले बताएको छ ।
