काठमाडौँ, १ साउन । आज देशभर २९ सय ३६ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ५ सय ४१ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा ३४३, ललितपुरमा १३६ र भक्तपुरमा ६२ संक्रमित थपिएका हुन् । नेपालमा आज कोरोना संक्रमणबाट आज थप ४३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ५ सय ६ पुगेको छ ।
२४ घन्टामा आज कोरोना भाइरसका २ हजार ९ सय ३६ जना संक्रमित थपिएसंगै कुल संक्रमितको संख्या ६ लाख ६४ हजार ५ सय ७६ पुगेको छ ।
आज १ हजार ७ सय ७५ जना संक्रमणमुक्त भएका छन् । हालसम्म ६ लाख २८ हजार २ सय ४३ जना संक्रमणमुक्त भएको छ । मन्त्रालयको अनुसार आज १४ हजार १८२ जनाका गरीएको परीक्षणमा २ हजार ६ जना पिुसीआर विधिबाट र ९३० जना एन्टिजेन विधिबाट संक्रमण पुष्टि भएको हो । यो सँगै काठमाडौं उपत्यकामा सक्रिय संक्रमितको संख्या ७ हजार ६१९ पुगेको छ ।
