कपिलवस्तु, ४ साउन । चोरीको मोटरसाइकल सहित एकजना पक्राउ परेका छन् । कपिलवस्तु नगरपालिका १ गौढीचोकस्थित सडकबाट १ थान चोरीको मोटरसाइकल सहित यशोधरा गाउँपालिका ५ लोहरौली बस्ने २१ वर्षीय तौफिक पठानलाई शुक्रबार प्रहरीले पक्राउ गरेको छ ।
जिल्ला प्रहरी कार्यालय कपिलवस्तुबाट खटिएको प्रहरीले जांच गर्नेक्रममा तौफिकलाई कागजपत्र नभएको मोटरसाइकल सहित फेला पारी अनुसन्धान गर्दा उक्त मोटरसाइकल गत जेठ २४ गते कपिलवस्तु नगरपालिका १ नयाँटोल बस्ने मोहम्मद वाजीह अरसदको बा.७२ प ६३११ नम्बरको पल्सर मोटरसाइकल रहेको खुल्न आएपछि उनलाई पक्राउ गरेको बताएको छ ।
उनीमाथि चोरी मुद्दामा थप अनुसन्धान भइरहेको जिल्ला प्रहरी कार्यालय कपिलवस्तुले जनाएको छ ।
