काठमाडौं, ५ साउन । कोरोना संक्रमणबाट आज थप २५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ६ सय ७ पुगेको स्वास्थ्य मन्त्रालयले जनाएको छ ।
नेपालमा आज कोरोना भाइरसका ३ हजार १ सय ८ जना संक्रमित थपिएसंगै कुल संक्रमितको संख्या ६ लाख ७० हजार ९ सय ५३ पुगेको छ । आज १ हजार ५ सय ९५ जना संक्रमणमुक्त भएका छन् । हालसम्म ६ लाख ३४ हजार ९ सय २७ जना संक्रमणमुक्त भएका छन् ।
मन्त्रालयको अनुसार २४ घन्टामा १३ हजार १३५ परीक्षणबाट २२ सय २ जना पिसीआर र ९०६ जना एन्टिजेन विधिबाट संक्रमण पुष्टि भएको हो । सोमबार २४ सय ४५ जना संक्रमित थपिएका थिए ।
