काठमाडौं, ८ साउन । अबैध लागूऔषध १० किलो गाँजासहित एकजनालाई प्रहरीले पक्राउ गरेको छ। तनहुँ, आँबुखैरेनी गाउँपालिका४ मुग्लिङ पुल जिपस्थित सडकबाट १० केजी २ सय २० ग्राम अबैध लागूऔषध गाँजा सहित कास्की रुपा गाउँपालिका ७ घर भई पोखरा महानगरपालिका(३२ लेखनाथ बस्ने २८ वर्षीय सुमन परियार समेत २ जना बिहीबार राति पक्राउ परेका हुन् ।
मुग्लिङबाट आँबुखैरेनीतर्फ आउँदै गरेको ना.१६ प ८२६८ नम्बरको मोटरसाइकललाई जिल्ला प्रहरी कार्यालय र ईलाका प्रहरी कार्यालय आबुँखैरेनीबाट खटिएको प्रहरीले जाँच गर्दा उक्त परिमाणको गाँजा सहित फेला पारी मोटरसाइकलमा सवार उनीहरुलाई पक्राउ गरेको जनाएको छ ।
