काठमाडौं, १० साउन । नेकपाका महासचिव नेत्रविक्रम चन्द ‘विप्लव’ ले जनता समाजवादी पार्टी, नेपालका अध्यक्ष उपेन्द्र यादवसँग भेटवार्ता गरेका छन् । यादव भेट्न विप्लव आज विहान यादव निवास पुगेका हुन् । विप्लवले पछिल्लो समय राजनीतिक भेटवार्तालाई तिव्रता दिएका छन् ।
हिजोमात्रै, उनले जसपाका अर्का अध्यक्ष महन्थ ठाकुरसँग भेटवार्ता गरेका थिए । विप्लवले यसअघि केपी शर्मा ओली नेतृत्वमा रहेको सरकारसँग गरेको तीन बुँदे सहमति कार्यान्वयनको लागि दलका नेताहरुसँग दबाब दिने गरेका छन् । साथै, उनले अहिलेको राजनीतिक समस्याको समाधान अब जनमतसंग्रहबाट नै हुने भन्दै त्यसको पनि वकालत गरेका छन् ।
