Logo

पछिल्लो समयमा काठमाडौं उपत्यकाको कोरोना संक्रमितको अवस्था



काठमाडौं, १५ साउन । नेपालमा मथ्थर हुँदै गएको कोरोना संक्रमणदर फेरी बढ्न थालेको छ । एक साता यता कोरोना संक्रमणदरमा ह्वात्तै बृद्धि भएको हो । बिहीबार ३३ सय ६५ संक्रमित थपिएसँगै कुल संक्रमितको सख्या ६ लाख ९० हजार नाघेको छ ।

यस्तै, हालसम्म नेपालमा ३५ लाख ८४ हजार ४१९ परीक्षण भएको छ भने संक्रमित मध्ये ६ लाख ५० हजार ४४५ जना संक्रमणमुक्त भइसकेको स्वास्थ्य मन्त्रालयले जनाएको छ ।

मन्त्रालयको अनुसार बिहीबारसम्म काठमाडौं उपत्यकामा २ लाख ८० हजार ५३४ संक्रमितको संख्या रहेको छ । संक्रमित मध्ये २ लाख ६९ हजार १६३ जना निको भइसकेका छन् । १६ हजार ८ सय ८२ जना कोरोना संक्रमितको काठमाडौं उपत्यकामा उपचार भैरहेको छ ।

सबैभन्दा धेरै काठमाडौं जिल्लामा २ लाख १५ हजार ७५९ जना संक्रमितको संख्या रहेको छ भने १९ सय ५५ जना संक्रमितको उपचारको क्रममा मृत्यु भएको छ । त्यस्तै, २ लाख ७ हजार ८ सय ६६ जना संक्रमणमुक्त भएका छन् भने ५ हजार ९ सय ३८ जना संक्रमित उपचारको क्रममा रहेका छन् ।

यसैगरी, भक्तपुर जिल्लामा २२ हजार ६३० जना संक्रमणमुक्त भएका छन् भने हालसम्म २४ हजार १२३ जना कुल संक्रमितको संख्या रहेको छ । मन्त्रालयको अनुसार हालसम्म भक्तपुरमा ३ सय ८४ जना संक्रमितको कोरोनाबाट निधन भएको छ । त्यस्तै, ११ सय ९ जना संक्रिय संक्रमितको संख्या रहेको छ ।

मन्त्रालयको अनुसार ललितपुरमा कुल ४० हजार ६५२ जना कोरोना संक्रमित भएका छन् । सक्रमित मध्ये ३८ हजार ६६७ जना संक्रमणमुक्त भएका छन् भने ५ सय ९१ जना संक्रमितको मृत्यु भएको छ । हाल १३ सय ९४ जना संक्रमितको उपचार भइरहेको छ ।



प्रतिक्रिया दिनुहोस्