काठमाडौं, २१ साउन । ग्लोबल आइएमई बैंकले बुधबार एकैदिन थप ७ वटा नयाँ शाखा संचालनमा ल्याएकोे छ। बैंकले काठमाण्डौ जिल्लाको सीतापाइला, बालाजु चोक र अशन, ललितपुर जिल्लाको धोबीघाट र भैँसेपाटी, भक्तपुर जिल्लाको ठिमी नगरपालिकाको गठ्ठाघर एवं धादिङ जिल्लाको निलकण्ठ नगरपालिको धादिङबेसीस्थित बजारमा एकैदिन सात नयाँ शाखा संचालन गरेको हो ।
बैंकको अनुसार सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले देशका विभिन्न स्थानमा शाखा विस्तार गर्दै आएको छ । हालसम्म बैंकले २८० वटा शाखा सञ्जालसहित २४८ एटीएम, ४७ एक्सटेन्सन काउण्टरहरुमार्फत आफना ग्राहकहरुलाई बैंकिङ सेवा प्रदान गर्दै आइरहेको छ ।
