काठमाडौं, २१ साउन । जनता समाजवादी पार्टी, नेपालका अध्यक्ष महन्थ ठाकुरले संघर्षप्रति आफूहरुको संकल्प यथावत रहेको बताएका छन् । हिजो (बुधबार) एक अपिल पत्र सार्वजनिक गर्दै उनले यस्तो बताएका हुन् ।
एमाले अध्यक्ष केपी शर्मा ओली नेतृत्वको सरकारमा १८ महिनासम्म बस्दा मधेशको माग मुद्दा सम्बोधनको लागि उपेन्द्र यादवले कुनै पहल नगरेको बरु आफूहरुले १८ दिनमै कतिपय माग पूरा गरेर देखाएको ठाकुरको जिकिर छ ।
अपिल पत्रमा भनिएको छ,‘आफू १८ महिना माननीय केपी शर्मा ओलीको सरकारमा बस्दा माग मुद्दाको सवालमा एउटा सिन्को भाँच्न नसक्नेले हामीले १८ दिनमै माग मुद्दाहरु पूरा गराउँदा हामीतिर औंला देखाईरहेका छन् ।’
