काठमाडौं, २४ साउन । कोरोना संक्रमणबाट आज थप ५५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ९३ जना पुगेको स्वास्थ्य मन्त्रालयले जनाएको छ ।
आज २ हजार ५ सय ४८ जना संक्रमित थपिएसंगै कुल संक्रमितको संख्या ७ लाख १४ हजार ८ सय ७७ पुगेको छ । आज २ हजार २९ जना संक्रमणमुक्त भएका छन् ।
हालसम्म नेपालमा ६ लाख ६९ हजार २ सय ९९ जना संक्रमणमुक्त भएका हुन् । मन्त्रालयको अनुसार २४ घन्टामा नेपालमा १२ हजार ३ सय ७८ जनाको कोरोना परीक्षणमा २१ सय ३७ पिसीआर र ४११ एन्टिजन विधिबाट संक्रमण पुष्टि भएको हो ।
