काठमाडौं, साउन २६ । मोटर साईकलले ठक्कर दिएका ईलाका प्रहरी कार्यालय बर्दघाटका प्रहरी नीरीक्षक कपिल वाग्लेको निधन भएको छ ।
तनहुँको म्याग्दे गाउँपालिका ४ घर भएका ४३ वर्षीय वाग्लेलाई बर्दघाट चौकीदेखि करिव २ सय मिटर पूर्व राजमार्गमा सोमबार राति मोटर साईकलले ठक्कर दिएको थियो ।
राती करिव ८ बजेतिर लु १४ प ८७५८ नम्बरको मोटरसाईकलको ठक्करबाट गम्भीर घाईते भएका वाग्लेको उपचारका क्रममा राती नै भैरहवा मेडिकल कलेजमा मृत्यु भएको हो ।
दुर्घटनामा सुनवल १ का मोटरसाइकल चालक दिपेन्द्र पुन मगर पनि घाइते भएका छन् । मोटरसाइकल र चालक मगललाई प्रहरी नियन्त्रणमा लिएको छ ।
केही दिन अघि भारतबाट भन्सार छलि चितवन ल्याइदै गरेको ८७ लाख बराबरको मोबाइल सामग्री बर्दघाट क्षेत्र कटेर नवलपुरमा प्रहरीले नियन्त्रणमा लिएपछि वाग्ले निलम्बनमा परेका थिए ।
