एजेन्सी, २६ साउन । भारतको महाराष्ट्रमा कोरोना भाइरसको आतंकपछि जीका भाइरसको खतरा बढ्दै गईरहेको छ । पुणेमा जीका भाइरसलाई लिएर प्रशासनले चेतावनी समेत दिएको छ ।
जिल्ला प्रशासन पुणेले ७५ गाउँमा जीका भाइरस फैलिएको आशंका गर्दै सर्तक रहन चेतावनी दिएको छ । अगस्ट महिनाको सुरुवातमा पुणेमा ५० वर्षीया महिला जीका भाइरस संक्रमित भएकी थिइन् । उनी जीका भाइरसको संक्रमणको साथै चिकनगुनिया समस्याबाट पनि पीडित थिइन् । तर, उनी हाल स्वस्थ्य भएकी छिन् ।
भारतमा जीका भाइरसको सबैभन्दा धेरै असर केरलमा देखिएको छ । त्यहाँ हालसम्म ६० जना भन्दा बढी संक्रमित भेटिएका छन् । केरल प्रशासनले पनि सर्तक रहन चेतावनी दिएको छ।
कसरी फैलन्छ जीका भाइरस ?
डाक्टरहरुको अनुसार जीका संक्रमण एयरोसोल अर्थात सम्पर्कमा आउनाले फैलिदैन् । यो लामखुट्टेले टोकेपछि फैलिन्छ । यो महामारी रोगको फरक विज्ञान हो । जीका कहाँबाट आयो त्यसको बारेमा अनुसन्धान गर्नुपर्ने विशेषज्ञहरु बताउछन् ।
