काठमाडौं, २६ साउन । प्रमुख सत्तारूढ दल नेपाली कांग्रेसका राष्ट्रियसभाका सदस्य रमेशजंग रायमाझीले प्रमुख प्रतिपक्षी दल नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीलाई भ्रष्टाचारको महानायकको संज्ञा दिएका छन् । आज (मंगलबार) बसेको राष्ट्रियसभामा बोल्दै उनले यस्तो आरोप लगाएका हुन् ।
उनले भने,‘संसद् विघटन गरेर संसदलाई समाप्त गर्न खोज्ने भ्रष्टाचारका महानायक केपी ओलीले त्यो कदम चालेपछि बाध्य भयौं हामी, सांसदहरु बाध्य हुनुभयो, सदनमा हामीले ओली सरकारलाई दुई वर्ष कुनै अवरोध गरेनौं । कोभिडको महामारीमा पनि ओली सरकारले भ्रष्टाचार गर्यो । भ्रष्टाचारका महानायक केपी ओलीलाई तह लगाउन यो गठबन्धनको सरकार बनेको हो ।’
