कैलाली,२६ साउन । विभिन्न हातहतियार सहित २ जना पक्राउ परेका छन् । गौरीगंगा नगरपालिका ९ शंकरपुरस्थित सडकमा बा.१७ च १३१२ नम्बरको जिपबाट १ थान बाह्रबोर बन्दुक, सोही बन्दुकको कार्टिज १ थान र १ थान पोईन्ट टुटु राइफल र सोही राईफलको १० राउण्ड गोली सहित २ जनालाई सोमबार राति प्रहरीले पक्राउ गरेको हो ।
पक्राउ पर्नेहरुमा जिपका चालक धनगढी उपमहानगरपालिका २ बस्ने ४६ वर्षीय मोहित कुमार शाह र जिपमा सवार कैलारी गाँउपालिका ९ बस्ने ५३ वर्षीय खेम राज चौधरी रहेका छन् । उक्त जिपलाई ईलाका प्रहरी कार्यालय मसुरियाबाट खटिएको प्रहरीले जाँच गर्ने क्रममा जिपभित्र लुकाई राखेको अवस्थामा उक्त हतियार फेला पारी उनीहरुलाई पक्राउ गरेको जनाएको छ ।
उनीहरुमाथि हातहतियार खरखजाना शीर्षक मुद्दामा थप अनुसन्धान भइरहेको जिल्ला प्रहरी कार्यालय कैलालीले बताएको छ ।
