काठमाडौं, ३० साउन । नेपाली कांग्रेसका प्रभावशाली नेता दिपक खड्का र सांसद विनो चौधरीको संयोजनमा अहिले जिल्ला सभापतिहरुको भेला सुरु भएको छ ।
समिट होटलमा सुरु भएको भेलामा पार्टीको १४औं महाधिवेशन समयमै सम्पन्न गर्नेबारे छलफल हुने बुझिएको छ ।
तोकिएकै मितिमा महाधिवेशन नहुने चर्चा चलिरहेको बेला महाधिवेशन कसरी सम्पन्न गर्न सकिन्छ भनेर एउटा रोडम्याप दिनेगरि आजको जिल्ला सभापतिहरुको भेला भएको बुझिएको छ ।
खड्काले सुरुदेखि नै महाधिवेशन तोकिएकै मितिमा सुरु गरेर कार्तिक/मंसिरसम्म सम्पन्न गर्नुपर्ने विकल्प अघि सारेका थिए । अहिले कांग्रेसमा खड्काकै लाईनमा बहस सुरु भएको छ ।
