हुम्ला, ३१ साउन । यार्सागुम्बा सहित एक जनालाई प्रहरीेले पक्राउ गरेको छ । सिमकोट गाउँपालिका ६ स्थित सिमकोट विमानस्थलबाट करिब ५ केजी ३ सय ग्राम यार्सागुम्बा सहित नाम्खा गाउँपालिका १ हेप्का बस्ने ३१ वर्षीय नुर्बु तामाङ शुक्रबार दिउँसो पक्राउ परेका हुन् ।
नेपालगंजबाट तारा एयरलाईन्सको उडानबाट आएका उनलाई उक्त विमानस्थलमा खटिएको प्रहरीले जाँच गर्ने क्रममा उक्त परिमाणको यार्सागुम्बा सहित फेला पारी पक्राउ गरेको जनाएको छ । उनलाई आवश्यक कारवाहीको लागि डिभिजन वन कार्यालय हुम्लामा बुझाएको बताएको छ ।
