काठमाडौँ, २ भदौ । आज देशभर ३४ सय ३ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ९ सय ९३ जना थपिएको स्वास्थ्य मन्त्रालयले जनाएको छ ।
२४ घन्टामा काठमाडौँमा ७ सय ११ , ललितपुरमा १ सय ६० र भक्तपुरमा १ सय २२ संक्रमित थपिएका हुन् । स्वास्थ्य मन्त्रालयका अनुसार ११ हजार ८ सय ३९ पीसीआर परीक्षणमा २६ सय १३ र ४९ सय ९९ एन्टिजेन परीक्षणमा ७ सय ९० जना गरी कुल ३ हजार ४ सय ३ जनामा संक्रमण पुष्टि भएको हो ।
त्यस्तै, आज कोरोना संक्रमणबाट ४२ जनाको निधन भएको स्वास्थ्य मन्त्रालयले जनाएको छ ।
