काठमाडौं, ३ भदौ । सिभिल बैंकले कञ्चनपुर जिल्लाको महेन्द्रनगरमा ११५औं शाखा विस्तार गरेको छ । शाखा संजाल विस्तार गर्ने क्रममा बैंकको शाखाको समुद्घघाटन भीमदत्त नगरपालिका नगर प्रमुख सुरेन्द्र विष्टले गरेका हुन् ।
शाखा उद्घाटन गर्दै शुभकामना मन्तव्य दिने क्रममा कार्यक्रमका प्रमुख अतिथि तथा भीमदत्त नगरपालिका नगर प्रमुख सुरेन्द्र विष्टले महेन्द्रनगरमा वित्तीय पहुँच वृद्धि गर्नको साथै वित्तीय स्तर बढाउन यस शाखाले टेवा पुर्याउने बताए ।
व्यापार व्यवसाय विस्तार तथा रोजगारी सृजनाका लागि अनुकुल वातावरणलाई प्रोहात्साहन गरेकोमा बैंकलाई धन्यवाद दिँदै उनले उक्त क्षेत्रका बासिन्दाहरुलाई आफुलाई आवश्यक पर्ने पुँजीको लागि बैंकबाट कर्जा लिई आफ्नो व्यवसाय विस्तार गर्न तथा सानो–सानो पुँजीलाई पनि बैंकमा राखी निर्धक्क भई ब्याज आर्जन गर्न आग्रह गरे ।
