काठमाडौं, ४ भदौ । पूर्वप्रधानमन्त्री झलनाथ खनालले माधवकुमार नेपाल नेतृत्वको नेपाल कम्युनिस्ट पार्टी (एकीकृत समाजवादी) को साथ र समर्थनमा रहेको स्पष्ट पारेका छन् । उनले आफ्नो सचिवालयमार्फत् नयाँ दर्ता भएको नेकपा एसमा रहेको स्पष्ट पारेका हुन् ।
झलनाथ खनालको सचिवालय फेसबुक पेजमार्फत् भनिएको छ, भारतको नयाँदिल्ली स्थित एपोलो हस्पिटलमा उपचाररत पूर्वप्रधानमन्त्री झलनाथ खनालज्यू नयाँ दर्ता भएको नेपाल कम्युनिस्ट पार्टी एकीकृत समाजवादी को साथ र समर्थनमा रहनुभएको सम्पूर्णमा जानकारी गराउँदछौं ।
खनाल मृगौला प्रत्यारोपणका लागि नयाँ दिल्लीस्थित एपोलो अस्पतालमा उपचाररत छन् । उनले आफूलाई भेट्न पुगेका एमाले नेताहरु सुरेन्द्र पाण्डे र भीम आचार्यलाई केपी शर्मा ओलीसँगै बढ्न नसकिने जवाफ दिएका थिए ।
एमाले विवादयता खनाल माधव नेपालको पक्षमा रहँदै आएका छन् । तर, उनी निकटस्थहरुले माधव नेपाललाई साथ दिएनन् ।-फाइल तस्बिर
