काठमाडौ, ८ भदौ । लेखक, विश्लेषक तथा नागरिक अभियन्ता खगेन्द्र संग्रौलाले नेकपा एमालेका दोस्रो पुस्तालाई पत्रु पुस्ताको संज्ञा दिएका छन् । संग्रौलाले सामाजिक सञ्जाल ट्वीटरमा लेख्दै यस्तो भनेका हुन् ।
हिजोमात्रै एमालेका दोस्रो पुस्ताका नेताहरुले अध्यक्ष केपी शर्मा ओलीसँग निर्णायक वार्ता गरेका थिए । अध्यक्ष ओली दश बुँदे कार्यान्वयन गर्न सहमत भएपछि दोस्रो पुस्ताका नेताहरु एमालेमै फर्कने र आज बस्ने स्थायी कमिटी बैठकमा समेत सहभागी हुने बताईएको छ । दोस्रो पुस्ताका नेताहरुले ओलीसँग सहमति गरेपछि सामाजिक सञ्जालमा उनीहरुमाथि ओलीको टाङमुनि छिरेको, आत्मसर्मपण गरेको लगायत आरोप लगाईएको छ । यही सन्दर्भमा लेखक खंग्रौलाले यस्तो टिप्पणी गरेका छन् ।
