काठमाडौं, ९ भदौ । नेकपा एमाले छाडेर माधवकुमार नेपाल नेतृत्वको नेकपा (एकीकृत समाजवादी) पार्टीमा रहन हस्ताक्षरसहित पुगेपनि ४ सांसद रोकिने भएका छन् । कानूनी व्यवधानले ४ सांसद रोकिएका छन् ।
रोक्किएकाहरुमा सोमप्रसाद पाण्डे, राजेन्द्र राई, माया ज्ञवाली र शारदा भट्ट हुन् । उनीहरुले एमाले विभाजन गरी नयाँ दल दर्ताका लागि निर्वाचन आयोगमा पत्र बुझाउँदा हस्ताक्षर गरेका थिएनन् । पाण्डे माधव नेपालका निकटस्थ हुन् । उनले एमाले एकताका लागि भन्दै हस्ताक्षर बुझाएनन् ।
राजेन्द्र राई, माया ज्ञवाली र शारदा भट्ट पनि अन्तिम समयमा माधव नेपाल पक्षमा पुगेका हुन् । ३० सांसदको सनाखत भइसकेको छ । ४ जनाको सनाखत स्वीकृत गरिए माधव नेपाल पक्षमा ३४ सांसद पुग्नेछन् । जसमध्ये एकजना राष्ट्रिय सभाका सांसद वेदुराम भुसाल छन् ।
