एजेन्सी, १३ भदौ । अर्जेन्टिनी फरवर्ड लियोनल मेस्सीले आइतबार पेरिस सेन्ट जर्मन (पीएसजी) बाट डेब्यु गर्ने बताइएको छ ।हालै बार्सिलोना छाडेर पीएसजी गएका मेस्सीले डेब्यु गर्ने मौका पाएका थिएनन् ।
पीएसजीले लिग वानमा आज राइम्ससँग प्रतिस्पर्धा गर्दैछ । खेल नेपाली समय अनुसार मध्यराति साढे १२ बजे हुनेछ ।कोपा अमेरिकाको उपाधि जितेपछि मेस्सी लामो समय विश्राममा थिए ।
राइम्सविरुद्धको आजको खेलमा मेस्सीसँगै नेमार र केलियन एम्बाप्पे पनि एकसाथ देखिने सम्भावना रहेको छ । तर, पीएसजीले अहिलेसम्म टोली (लाइनअप)को घोषणा गरेको छैन । तर, पनि मेस्सी खेल्ने पक्का रहेको बताइएको छ ।
यसअघिका तीन खेलमा मेस्सी र नेयमारविनै मैदान उत्रेको पीएसजीले ३ खेलबाट ९ अंक जोड्दै अंक तालिकाको शीर्ष स्थानमा रहेको छ ।-Photo: Agency
