काठमाडौं, १४ भदौ । पछिल्लो २४ घन्टामा कोरोना संक्रमणबाट थप १६ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ७ सय ३० पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार २ सय ९५ जना संक्रमित थपिसंगै कुल संक्रमितको संख्या ७ लाख ६१ हजार १ सय २४ पुगेको छ ।
आज १ हजार ८ सय ८ जना संक्रमणमुक्त भएका छन् । हालसम्म ७ लाख १५ हजार ५ सय २० जना संक्रमणमुक्त भएका छन् । मन्त्रालयको अनुसार आज १६ हजार २ सय ३३ जनाको कोरोना परीक्षणमा १९ सय २ जना पिसीआर र ३ सय ९३ जना एन्टिजेन विधिबाट उक्त संक्रमण पुष्टि भएको हो ।
