काठमाडौं, १७ भदौ । नेपाली कांग्रेसका वरिष्ठ नेता रामचन्द्र पौडेल समूहको पत्रकार सम्मेलन सम्पन्न भएको छ । पार्टीको आसन्न १४औं महाधिवेशनमा सभापतिको साझा उम्मेदवार खोजिन वरिष्ठ नेता पौडेलले जानकारी दिए ।
आज (बिहीबार) पार्टी मुख्यालय, सानेपामा आयोजित पत्रकार सम्मेलनमा बोल्दै नेता पौडेलले भने,‘पार्टी बचाउन हामी एक भएर अगाडि बढ्छौं । हाम्रो एकता महाधिवेशनसम्मै अटुट रहन्छ ।’
उक्त पत्रकार सम्मेलनमा महामन्त्रीमा उम्मेद्धवारी घोषणा गरेका युवा नेता गगन कुमार थापा पनि सहभागी भएका छन् । थापा यसअघि कृष्णप्रसाद पौडेल समूहमा थिए । आसन्न १४औं महाधिवेशनमा थापा पौडेल समूहबाट उठ्ने बुझिएको छ ।
